«Арнайы педагог пен педагог -логопедтің оқушыларға жүргізетін түзете-дамыту әдістері»
Анықтама
№122 жалпы білім беретін мектептің арнайы педагогы мен педагог-логопедтің ұйымдастыруымен ерекше білім беруді қажет ететін оқушылардың ата-аналарына «Арнайы педагог пен педагог-логопедтің оқушыларға жүргізетін түзете-дамыту әдістері» тақырыбында қазан айының 23-і күні семинар өткізілді.
Семинардың мақсаты: ерекше білім беруді қажет ететін оқушылардың ата-аналарына арнайы мамандардың оқушылармен жүргізетін әдіс-тәсілдерін түсіндіру және кеңес беру.
Семинар барысында арнайы педагог өз сабағында нәтиже көрсететін, «Россолимо», «Сеген» , «Көлеңкесін тап» т.б. әдістерімен таныстырды.
Педагог-логопед сөйлеу тілі аппаратының қызметі мен артикуляциялық жаттығулардың дұрыс орындалу техникасын ата-аналарға көрсетті. Сонымен қатар үй жағдайында артикуляциялық жаттығуларды қайталаудың маңыздылығын атап өтті.
Семинар соңында ата-аналардың сұрақтарына жауап беріліп, ұсыныс-пікірлері тыңдалды.