"Оқушылар арасында аутодеструктивті мінез-құлықтың алдын алу мәселелері және оны шешу жолдары"

  #122 мектепте "Оқушылар арасында аутодеструктивті мінез-құлықтың алдын алу мәселелері және оны шешу жолдары" тақырыбында сынып жетекшілерге арналған семинар ұйымдастырылды. Аталған тақырыптағы алғашқы семинар қазан айында өткізілді. 
Мектеп психологтары Ж.Қосаманова мен Л.Амирова аутодеструктивті мінез-құлықтың белгілері, жасөспірімдер мен балалардың өз-өзіне қол жұмсау себептері туралы баяндай отырып, оның алдын алу, шешу жолдары туралы психологиялық кеңестер берді. Директордың тәрбие ісі жөніндегі орынбасары З.М.Утеулинова  әлеуметтік желілерден келетін қауіптер- буллинг, суицидті насихаттайтын желілер  туралы ақпарат айта отырып, ата-аналар тарапынан осы желілерді бұғаттау маңыздылығын айтты. Аутодеструктивті мінез-құлықтың алдын алуға бағытталған 2020-2021 оқу жылындағы  атқарылған іс-шараларға сараптама жасады. Семинар соңында жазғы демалыстағы оқушыларлың өмір қауіпсіздігі, бала жарақатының алдын алу шаралары туралы да нұсқаулықтар берілді.