04
апрель
2024
Кәсіпқой бокстан әлем чемпионы Жанхош Тураровпен кездесу
Бүгін 1 наурыз 2024 жылы № 122 жалпы білім беретін мектепте кәсіпқой бокстан әлем чемпионы- Жанхош Тураровпен кездесу өтті. Мақсаты: шәкірттерге чемпионның спорттағы жетістіктері туралы мағлұмат беру, салауатты өмір салтын дәріптеу, оқушылардың спортқа деген құлшынысын арттыру арқылы жеке тұлғаны қалыптастыру. Кездесу Жанхош Жасұланұлының спорттағы жетістіктері туралы таныстырылымнан басталып, "ашық микрофон" әдісі арқылы оқушылар спортшыға өздерінің қызықтырған сұрақтарына жауап алумен жалғасты. "Өмірдегі ұстанымыңыз, арманыңыз, биік жетістіктерге қалай жеттіңіз, мектепте қандай оқушы болдыңыз?" сынды сұрақтар қойылды. Атақты боксердің бойындағы батырлық рух, еліне деген сүйіспеншілік сезіліп тұрды. Алғыс күнімен пара-пар келген кездесуімізде Жанхош Жасұланұлына шәкірттер мен ұжымның атынан алғысымызды айтып, тек биік шыңдарды бағындыра беруіне тілек білдірдік. Кездесу соңы естелік фотоға түсу, қолтаңба алумен аяқталды.