"Ата-ананың азаматтық борышы: бүгін және болашақ" тақырыбында қашықтықтан ата-аналар жиналысы

28-29 қаңтар 2022 жылы №122 ЖББ мектепте "Ата-ананың азаматтық борышы: бүгін және болашақ" тақырыбында қашықтықтан ата-аналар жиналысы сынып жетекшілермен ұйымдастырылды. Мақсаты: бала тәрбиесінде ата-ананың алатын орнының ерекше екенін түсіндіру; ата-ана бойына өздерін тәрбиеші, қамқоршы ретінде қарауда қызығушылықтарын дамыту; баламен дұрыс тіл табысуға, сөйлеу мәдениетін үнемі қолдауға ой салу. Өз баласының саналы азамат болып өсуі үшін ата-аналардың азаматтық борышы өте зор. Отбасындағы құндылықтарды дәріптеу, баласына үлгі болу  арқылы тәрбиелеудің маңыздылығы айтылды. Екінші мәселе бойынша баланың психо- физиологиялық ержету ерекшеліктері, отбасындағы зорлық- зомбылыққа жол бермеу сынды маңызды мәселелер талқыланды. Үшінші мәселеде ІІ тоқсанның қорытындысы, оқу үлгерімі мен сапасына  сараптама жасалды.