«Тәуелсіздік тұғырым» тақырыбында мерекелік іс-шара өтті

2025 жылдың 12 желтоқсан күні мектепте «Тәуелсіздік тұғырым» тақырыбында мерекелік іс-шара өтті. Шараның мақсаты – оқушыларға Тәуелсіздік құндылықтарын дәріптеу, ел тарихына деген құрмет пен ұлттық рухты қалыптастыру.

Іс-шара барысында оқушылар Қазақстанның тәуелсіздік жолындағы маңызды тарихи оқиғалар туралы сахналық көріністер қойып, патриоттық өлеңдер оқыды. Сонымен қатар оқушылардың әзірлеген музыкалық нөмірлері, би композициялары және презентациялары көрсетілді.

Мерекелік жиын жоғары деңгейде ұйымдастырылып, оқушылардың шығармашылық белсенділігін арттырды. Іс-шара соңында белсенді қатысушыларға алғыс айтылып, Тәуелсіздіктің маңызы мен оны қадірлеу жөнінде тәрбиелік мәні зор пікірлер айтылды.