Жас педагогтер апталығының жарқын ашылуы
«Жас педагог: Ізденіс, жаңалық, жетістік» атты жас педагогтер апталығының ашылуына орай мектебімізде ұлттық құндылықтарды дәріптеуге бағытталған «Наурыз» мерекелік іс-шарасы жоғары деңгейде ұйымдастырылып өткізілді.
Іс-шараның басты мақсаты – жас педагогтердің шығармашылық әлеуетін арттыру, ұлттық салт-дәстүрлерді насихаттау және жас ұрпақтың бойына рухани құндылықтарды сіңіру болды.
Мереке барысында ұлттық ойындар ұйымдастырылып, қатысушылар белсенділік танытты. Сонымен қатар қазақ халқының салт-дәстүрлері сахналанып, көрермендерге ерекше әсер сыйлады. Шара аясында арнайы шақырылған өнер иелері әннен шашу шашып, кештің сәнін келтірді. Қонақтар мен қатысушыларға сый-сияпаттар табысталды.
Аталған мереке бірлік пен жаңашылдықтың, дәстүр мен тәрбиенің үйлесім тапқан жарқын көрінісіне айналды. Іс-шара қатысушыларға көтеріңкі көңіл күй сыйлап, жас педагогтердің шығармашылық ізденістеріне серпін берді.
Алдағы апталық аясында жас педагогтерге мол табыс, тың идеялар мен үлкен жетістіктер тілейміз.
