Кәсіби бағдар беру жұмысы:Радиоэлектроника және байланыс әскери-инженерлік институты

Кәсіби бағдар беру аясында мектеп оқушылары Радиоэлектроника және байланыс әскери-инженерлік институтының қызметімен танысты. Кездесу барысында институт өкілдері болашақ әскери-инженер мамандықтарының ерекшеліктері, радиоэлектроника мен байланыс саласының маңызы, оқу барысында берілетін білім мен дағдылар туралы кеңінен ақпарат ұсынды.
Оқушыларға әскери оқу орнының тәртібі, курсанттық өмірдің жауапкершілігі мен мүмкіндіктері, сондай-ақ оқу аяқталғаннан кейінгі қызметтік жолдар мен әлеуметтік қолдау жүйесі түсіндірілді.
Аталған шара жас ұрпақтың Отанға қызмет етуге деген қызығушылығын арттырып, техникалық бағыттағы мамандықтарды таңдауда саналы шешім қабылдауға ықпал етті.