Мектепке жол акциясы

«Мектепке жол» республикалық акциясы аясында мектебімізде әлеуметтік қолдауды қажет ететін 17 оқушыға көмек көрсетілді. Акция барысында оқушылар оқу құралдарымен, мектеп сөмкелерімен және қаржылай қолдаумен қамтылды. Көрсетілген қайырымдылық көмектің жалпы құны 280 000 теңгені құрады.
Сонымен қатар,акцияның жүзеге асуына өз үлесін қосқан 2 «А» сыныбының жетекшісі Мырзатаева Бахыткүл Дәулеткелдиевна ерекше қамқорлық танытып, оқушыларға демеушілік көмек ұйымдастыруға белсенді атсалысты. Оның балаларға деген жанашырлығы мен жауапкершілігі көпшілікке үлгі болды.
«Мектепке жол» акциясы балалардың жаңа оқу жылына толық дайындықпен келуіне мүмкіндік беріп, қайырымдылық пен мейірімділік құндылықтарын дәріптеуге ықпал етті.