Ашық есік күні – ашық диалог алаңы

2026 жылдың 12 мамыр күні «Ашық есік күні» ұйымдастырылды. Іс-шараның мақсаты – ата-аналармен тығыз байланыс орнату, оқушылардың оқу жетістіктері мен тұлғалық дамуы туралы ақпарат алмасу және мектеп пен ата-ана арасындағы ынтымақтастықты нығайту болды.

Іс-шара барысында ата-аналар оқушылардың оқу үлгерімімен, жетістіктерімен және шығармашылық жұмыстарымен танысты. Сонымен қатар баланың тұлғалық дамуы, психологиялық дайындығы, тәртібі және алдағы жазғы демалыс жоспарлары жөнінде ашық пікір алмасу жүргізілді.

Ата-аналар тарапынан ұсыныстар мен кері байланыстар айтылып, мектеп пен отбасы арасындағы өзара түсіністік пен серіктестік байланыс нығайтылды.

Аталған іс-шара мазмұнды әрі тиімді деңгейде өтті.