«Ата заң – мемлекет тірегі» тақырыбында сынып сағаты

2026 жылдың 8 сәуір күні 11 сынып оқушыларына «Адал азамат» біртұтас тәрбие бағдарламасы аясында «Ата заң – мемлекет тірегі» тақырыбында сынып сағаты өткізілді.

Іс-шараның мақсаты – оқушыларға Қазақстан Республикасының Ата заңының маңызын түсіндіру, құқықтық сауаттылықтарын арттыру, өз құқықтары мен міндеттерін білуге және құрметтеуге тәрбиелеу.

Сынып сағаты барысында оқушыларға еліміздің Конституциясы, оның қоғамдағы рөлі мен маңызы туралы мәліметтер беріліп, құқықтық мәдениетті қалыптастыруға бағытталған түсіндіру жұмыстары жүргізілді. Сонымен қатар, оқушылар өз ойларымен бөлісіп, пікір алмасу арқылы тақырыпты терең түсінді.