Арт-терапия: жан тыныштығы мен шабыт көзі

      «Жас педагог: Ізденіс, жаңалық, жетістік» атты жас педагогтер апталығының жоспарына сәйкес, 2026 жылдың 24 сәуір күні мектебімізде «Өзімді тану» тақырыбында арт-терапиялық іс-шара өткізілді.

      Іс-шараның мақсаты – педагогтердің эмоционалдық жағдайын жақсарту, шығармашылық әлеуетін дамыту, өзін-өзі тану мен рефлексия жасау дағдыларын қалыптастыру болды.

      Іс-шара барысында мұғалімдер шығармашылық тапсырмалар орындап, сурет салу арқылы өздерінің ішкі сезімдері мен ой-толғаныстарын бейнеледі. Сонымен қатар қатысушылар өз көңіл күйі мен кәсіби ахуалын 10 балдық шкала арқылы бағалап, өзін-өзі тану және өзіндік талдау жүргізді.

     Тренинг барысында педагогтер еркін пікір алмасып, психологиялық серпіліс алып, жағымды эмоциялық күйге бөленді. Арт-терапиялық жұмыс қатысушылардың өз-өзін бағалауына, ішкі ресурстарын тануына және кәсіби мотивациясын арттыруға оң ықпал етті.

Аталған іс-шара мазмұнды әрі тиімді деңгейде өтті.