Сынып сағаттары: Отан, қауіпсіздік, экология

2026 жылдың 4 мамыр күні «Адал азамат» біртұтас тәрбие бағдарламасы аясында 1–11 сынып оқушыларына сынып сағаттары өткізілді.

Сынып сағаттары келесі бағыттар бойынша ұйымдастырылды:

1. «Отан қорғау – ерлік пен намыс ісі» тақырыбында оқушыларға Отанға деген сүйіспеншілік, ел қорғаған ерлердің ерлігі мен патриоттық рух туралы түсіндіру жұмыстары жүргізілді.
2. Қауіпсіздік сабағы (10 минут) барысында оқушыларға күнделікті өмірдегі қауіпсіздік ережелері, төтенше жағдайларда өзін-өзі ұстау дағдылары түсіндірілді.
3. «Алматы – таза қала» бағдарламасы (10 минут) аясында қоршаған ортаны қорғау, тазалық сақтау және экологиялық мәдениетті қалыптастыру мәселелері қарастырылды.
4. «Жол қауіпсіздігі» (10 минут) тақырыбында жолда жүру ережелері, жаяу жүргіншілердің қауіпсіздігі және жол-көлік оқиғаларының алдын алу бойынша түсіндіру жұмыстары жүргізілді.

Аталған сынып сағаттары мазмұнды әрі тәрбиелік мәні жоғары деңгейде өтіп, оқушылардың азаматтық жауапкершілігін, қауіпсіздік мәдениетін және патриоттық сезімін қалыптастыруға оң ықпал етті.